27 maí, 2009

Í morgun

Hulda Valgerður glaðbeitt að vanda:)


En Bergur greyið ekki sérlega hressilegur eftir nóttina:(

Svo fórum við með hann seinnipartinn til að láta kíkja á hann á heilsugæslunni, og þá kom í ljós að hann var kominn með sýkingu í andlitið. Hann fær því sýklalyf til að drepa það niður.

Svo er endurkoma á slysó á morgun og vonandi allt niðrí móti eftir það.
Posted by Picasa

26 maí, 2009

Hér eru myndir af slasinu

Bergur teygði sig í kaffikönnu (mokka sem sett er á hellu, tveggja bolla) sem var á eldavélinni og sturtaði úr henni yfir sig.
Við hentumst með hann í baðkerið og smúluðum hann þangað til sjúkrabíllinn kom. Síðan fórum við á slysó og fengum sérlega góða þjónustu, hjúkkurnar blésu sápukúlur til að dreifa athygli drengsins meðan hreinsað og bundið var um sárin á öxl og bringu.
Hann fékk svo vaselín í andlitið yfir blöðrurnar og við svo send heim. Lýtalæknirinn leit við og sagði að þetta væri vel sloppið, Bergur myndi gróa hratt og örugglega og ekki fá nein ör.

Svona leit drengurinn út þegar við komum heim af slysó.

Hér er svo mynd af því hvernig hann leit út daginn eftir, þá var bruninn sem sé kominn meira fram. Skrýtið hvernig þetta þróast.

Hér er svo Hulda að keyra bróður sinn í vagninum, þetta er nú alls ekki alslæmt:) jafnvel bara bráðskemmtilegt
Posted by Picasa

Hér eru góða myndir af dótturinni.



Posted by Picasa

20 maí, 2009

"Litli" tónlistarmaðurinn



Hér sjáum við hinn raunverulega litla tónlistarmann. Hulda Valgerður er sérlega fylgin sér og nýtur þess að spila og syngja.

Í matjurtagarðinum



Hér erum við í Vatnshlíð við Hvaleyrarvatn þar sem húsbóndinn hefur leigt sér jörð, 40 fermetra.
Núna verða allir að lifa af jörðinni, eins og þau systkyn sýna framá, til dæmis með því að borða mold:)

03 maí, 2009

Afmælisstúlkan Hulda Valgerður

ásamt Bergi bróður sínum.