Í Blöndubakka og Hringbraut

Ansi eru þau flott saman. Meiri myndarfjölskyldan:)

Afmælisdrengurinn Daði Már sem er 11 ára í dag. Þarna er líka Daníel Breki glaðbeittur að sjá.

Langmæðgurnar flottar í rauðu. Hulda Valgerður meira að segja með veski og grifflur í stíl við húfuna og trefilinn.

Aðfangadagskvöld

Hvað skyldi nú vera í pakkanum?

Og með afa og ömmu, allir kátir og glaðir:)

Bergur að sýna mömmu og Huldu hvernig á að gera þetta.

Stefán og Hulda saman á jóladag í Blöndubakkanum.

Aðdragandi jóla

Húrra, Stefán frændi er kominn heim!

Hinar stórglæsilegu frænkur í jólaþorpinu í Hafnarfirði. Sigrún Amína heldur á Huldu Valgerði.

Og Bergur Þorgils í fangi móður sinnar á sama stað.

Gunnar Snorri ömmubróðir kíkti í heimsókn með pakka á aðfangadag, það var rosa stuð hjá strákunum.

Smá sería af Huldu Valgerði

Nokkrar myndir úr desember

Bergur fann pils af systur sinn og peysu sem hún á líka núna, fannst tilvalið að prófa aðeins. Mjög þægilegt og skemmtilegt:)

Hér er listræn mynd eftir húsmóðurina, tréð í garðinum heitir hún (þ.e. myndin).

Nú og systkinin í baði saman, það er sérlega gaman.

Herdís kom í heimsókn og kenndi Bergi að byggja hús. Það var alveg geðveikt stuð, eins og sjá má.

smáauglýsingin

Jæja kæru vinir. Nú auglýsum við eftir notaðri myndbandstökuvél. Hún þarf að vera þokkaleg, má gjarnan vera nett og létt. Einnig þarf hún að vera stafræn (digital). Ábendingar vel þegnar.

Svona væru þau með hár:)

Fyrsta tönnin:)

Ef vel er að gáð, sést tönn, hún fannst í gær. Húrra.

Húsdýragarðurinn

Við fórum í Húsdýragarðinn með Mæju og Herdísi. Það var gaman, til dæmis fórum við í þessa hringekju.

Hér er Hulda Valgerður ofsakát og glöð með að fá að sjá dýrin, eða kannski bara að fá að vera í fanginu á pabba;)

Hér er fjölskyldan öll samankomin, en í baksýn má sjá risagölt sem var svo vinsamlegur að ýta tríninu aðeins í rassinn á húsfreyjunni. Það vakti að sjálfsögðu svo mikla lukku að þessi mynd gat ekki misheppnast.

Byrjun nóvember

Hér er Hulda í Diddugallanum. Hún er sérdeilis glöð með það....

Bergur var svo veikur og slappur að hann sofnaði með Stubbana í gangi. Pabbanum fannst tilvalið að bregða pínulítið á leik og herma eftir. Ofsafyndið, hehehehe:)

Hér er Bergur farinn að hressast og hefur ákveðið að kenna systur sinni að borða grautinn.

svona aðeins meira

Bergi finnst fátt skemmtilegra en að tala í síma. Hér hefur hann náð í síma föðurins, og nýtur þess í ystu æsar að spjalla...

Við feðgarnir erum ákaflega ánægðir með þessa stelpu, hana Huldu. Hún er uppáhalds.

Og aðeins að nudda systur, bara svo hún sé örugglega í fínu formi:)

Nýir tímar

Ég sat við morgunverðarborðið í fyrradag og horfði út um gluggann. Þá tók ég allt í einu eftir því að það var fullt af bílum fyrir utan skólann. Foreldrar að skutla börnum, starfsfólk að koma. Svo kom að því að Bergur var búinn að kúka í bleyjuna, sem reyndar gerist iðulega eftir morgunmat. Hulda var að babla á gólfinu, hringsnérist á naflanum. Svo þurfti ég að leggja af stað í skólann.

Þannig gekk nú þessi morgun eins og ákaflega margir aðrir, og sennilega eiga þeir eftir að verða fleiri. Þrátt fyrir þetta var ég með einhverja tilifinningu um að eitthvað hræðilegt hefði gerst og ekkert væri eins og áður og yrði það aldrei aftur.

Það var auðvitað út af bankakrísunni sem ég hafði þennan hnút í maganum.

En svo fór ég að hugsa.

Ég var með hnút í maganum vegna þess að fjölskyldan mín gæti mögulega verið að tapa peningum. Og ég hélt áfram að hugsa: Peningar eru svo sem ágætir, en hvorki upphaf né endir alls. Fólk lifði nú alveg af áður en það fann upp peninga.

Kannski er þetta vendipunkturinn þar sem ofurlaun og misrétti hverfur (eða amk. minnkar)? Það er nú ekki heilbrigt hvað þjóðfélagið og raunar heimurinn hefur verið heltekinn af þessari hugmynd, peningum. Því hvað eru peningar annað en hugmynd um eitthvert verðmæti sem við virðumst hafa samþykkt að fáir mættu eiga mikið af en flestir frekar lítið.

Vonandi verður þetta nýtt upphaf þar sem virði mannsins verður ekki mælt í peningum heldur því sem hann leggur til samfélagsins. Þá verður fólk sem vinnur við umönnun annars fólks í verðmætustu störfunum. Vonandi verður þetta líka til þess að foreldrar hafi meiri tíma með börnunum sínum. Svo virðist sem gróðahyggja samfélagsins hafi ýtt þeim svolítið út í horn.

Það er hægt að gera margt sem ekki kostar pening. Til dæmis að spila á spil, fara út að ganga, hittast og hlæja saman og svo margt fleira.

Látum ekki fall kapítalismans raska ró okkar, börnin halda áfram að kúka á sig, lífið heldur áfram.

september

Hér eru öll voða glöð, kanski nema afi, hann er eitthvað voða áhyggjufullur, ætli hlutabréfin hans hafi ekki bara verið að lækka?

Já Ámi frændi kom og knúsaði aðeins hana Huldu Valgerði, Bergur fylgdist með. Hann þarf jú að fara að æfa sig kallinn;)

Svona liti selurinn Snorri út ef hann væri stúlka fædd í maí 2008.

Bergur aðeins að æfa brosvöðvana, eða þjálfa tárakirtlana, hárið sprettur líka hraðar þegar maður setur upp svona svip.

Fyrst maður er nú byrjaður...

Hulda Valgerður situr hér í fangi Friðriks Vals, en hann þurfti einmitt að æfa sig fyrir að eignast litla systur.

Systkinin liggja saman hjá ömmu á Hringbraut, voða sætt:) Rétt er að taka fram að faðir þeirra réð klæðnaðinum á þeim, en systirin var heldur bleik fyrir smekk móðurinnar.