20 maí, 2006

...ég er kominn heim.

Þó ekki hýr og rjóð, eins og segir í ljóðinu, er býsna streit ennþá og blóðleysi hamlar eplakinnum og blómvörum:)

Best að fara aðeins yfir málið. Var skorinn á þriðjudag, það gekk ekki alveg eins vel og þeir doksar vonuðu, en þó vel. Æxlið var í einhverskonar skurn, eða himnu og þeir höfðu vonast til að geta náð því öllu í einu. Þegar til kom, var það ekki hægt, og þeir neyddust til að skilja eftir einhvern hluta þessarar himnu. Þeir tóku sýni sem er í ræktun og skoðun á einhverjum fínum stað í útlöndum, og það kemur vonandi gott út úr því.

Mögulegt er að það þurfi að geisla mig, eða setja á einhver lyf, en það kemur í ljós þegar niðurstöður koma úr sýninu. Ef ég hef skilið það rétt, er það kannski vegna þess að þeim tókst ekki að ná þessari himnu, annars er það bara útaf einhverju öðru.

Fyrir áhugafólk um blóðtölur, var ég lagður inn á mánudaginn með töluna 140. Þriðjudagurinn fór svo í aðgerðina, þar sem ég missti töluvert blóð, og var gefið það sem þeir kalla 4 einingar af blóði. Á miðvikudaginn var ég svo með eitthvað rúmlega 90. Á fimmtudaginn fór ég niðurí 75, en á föstudaginn fór ég í 76. Þar með þótti ljóst að ég væri hættur að lækka, og ákveðið var að gefa mér ekki blóð. Hins vegar skildist mér að í kringum 80 væru þau mörk sem miðað væri við að byrja að gefa.

7 ummæli:

Nafnlaus sagði...

Jahérna Villi minn.
Ég hefði nú kríað það út að demba í þig einni einingu áður en þú fórst heim. En þú lást ekki hjá mér (því miður) og því verð ég að gefa þér smá hjúkkuráð við blóðleysi: borða; ber, spínat, lifrarpylsu og blóðmör (ef þú hefur lyst á slíku), drekka; vatn (mikið), ávaxtarsafa og taka C-vítamin.
Og ef þú færð svo harðlífi af þessu öllu saman, þá kann ég ráð við því líka (he he).
Og áfram að hugsa jákvætt.
Velkominn heim. Olla.

Nafnlaus sagði...

gott að þú ert komin heim, látt þér battna fljótt. ps. sé að þú þart að koma með mér í ræktina í haust kv ingi og fjölsk

Nafnlaus sagði...

flatkökur með ógeeeðslega mikilli lifrarkæfu er blóðaukandi og ógeeeeðslega gott líka..

BbulgroZ sagði...

Rúsínur eru lika góðar við þessu öllu ekki satt, og þá er hægðartregðan úr sögunni ef hún verður filgikvilli ofmikils járnsáts : )

Nafnlaus sagði...

Blessaður frændi,
þú tekur þig vel út á myndunum, áður en varir verðurðu aftur farinn að leika Zoolander eins og þú gerðir svo eftirminnilega í fimmtugsafmælinu hennar mömmu. Farðu vel með þig
Kv. Jóna

Nafnlaus sagði...

Sæll elsku vinur. Gott að fá fréttir. Búin að vera netlaus undanfarna viku og hef verið að sitja á mér að hringja. Frábær þjónusta að fá myndir og nákvæmar blóðgildatölur hérna á vefnum... Þetta hefur nú verið dágóð slæging sýnist mér og ekki að undra að þú sért eitthvað vankaður eftir. Það er bara fyrir hraustasta fólk að veikjast... Hugsa alltaf til þín elsku Villi minn og sendi þér strauma héðan unan jökli ;)Gunna Lára

Nafnlaus sagði...

Very nice site! prostate and impotence Hot tubs staffordshire Acne scar repair http://www.jeep-grand-cherokee-6.info/about-visco-foam-mattresses.html Dell dimension cpu Nsf files webserver latest cholesterol lab values Wire bondage Home+humidifier Web site call center Sms sender software dk T shirt letter plotters 4 aid coffee cup kitchen maker mattress pad rv swing gate opener auto What is the training involved in hockey Robert redford facelift gossip air mattress queen