Skírn, og já, líka gifting

Drengurinn var skírður, og nefndur Bergur Þorgils, í höfuðið á móðuröfum sínum.


Og svo trítluðum við hjónaleysin upp að altarinu undir söng Nonna.


Jú mei kiss ðö bræd, hehe


Og svo tíhí, við plötuðum ykkur og það var rosalega gaman, liggaliggalái.


Svo loks, sæt og góð við fífilbrekkuna fyrir framan Fríkirkjuna.

Bláar varir

Nú spyr afi Bergur líklega hvort stráknum sé ekki kalt, en mamman er komin með sveppasýkingu í brjóstin og stráksi á tunguna. Það er læknað með fjólubláum tússlit:)

HMMMMMM

Hvað er amman eiginlega að gera? Kanski bara að herma eftir manni, og ég ætla bara að láta ykkur vita að mér finnst það sko ekkert fyndið.

Var það ekki þetta sem litlu andarungarnir gera áður en þeir fara í kaf?

Við pabbi...

Saman í baði kallarnir, þetta er ekki ónýtt,

og kúkaði ekki bara stráksi á pabba sinn!

Svo sagði hann fyrirgefðu elsku pabbi...:)

Myndir

Með afa Óskari, svei mér ef ekki er vangasvipur með þeim langfeðgum.


Þetta er nú eitthvað spúkí svipur, hvað ætli blessað barnið sjái?


Það var greinilega ekkert fallegt, allavega er honum ekki skemmt..:)

og fleiri myndir

Á leiðinni út


Við eldhúsborðið með mömmu, ættum við kannski að fá okkur kaffisopa?


og með tappann í, það er best að passa vel uppá hann.

Vegna fjölda áskorana...

Með Emblu frænku sinni


og að kúra hjá pabba, spurning hvort eitthvað komi úr þessu brjósti?


og þreyttur hjá mömmu

Tveir og tveir

Hér eru feðgarnir heldur þreyttir.


Og hér er stubbur með Árna Val, frænda sínum. Árni Valur er 6 vikna sonur Gunna bróður míns.

Baðið

Sonja ljósmóðir setti guttann í fyrsta baðið, hann er nú ekki alveg viss hvort þetta sé í lagi...

Kannski ef maður má busla:)....

Já, maður getur sko alveg vanist þessu

Úps,

hér hefur lögreglan haft hendur í hári kauða,
en sem betur fer er þetta nú bara hún Sólrún frænka:) sem leit við á vaktinni.

Afarnir

Afi Bergur stoltur með strákinn sinn.


Langafi Villi aðeins að kíkja og athuga hvort ekki sé allt í sómanum.


Og Borgarfjarðarblekbóndinn, afi Óskar, ánægður með að stráksi kúkaði með látum honum til heiðurs.


Afi Sigurjón aðeins að máta guttann, sem spáði ekkert í það og steinsvaf áfram.

Nokkrar ömmumyndir

Hérna er langamma Lala með strákinn sinn.

Og amma Hulda aðeins að tékka á honum. Þó skömm sé frá því að segja, gleymdist að taka hefðbundnar myndir á fæðingardeildinni með ljósmóðurinni, en látum þetta bara duga í staðinn.

Og amma Helga með prinsinn, sem lætur sér fátt um finnast.

Því miður gleymdist að taka myndir af ömmu Stínu með stráksa, og Hólmfríður og Sjöfn eiga enn eftir að koma. Þvílíkt ömmuflóð, það verður gaman að eiga afmæli í framtíðinn, fullt af pökkum:)

Fleiri myndir

Langamma kom í heimsókn


og langafi kíkti líka á strákinn


Hér eru þreytt mæðgin

Fyrir tæknivæddar langömmur

og reyndar alla aðra sem áhuga hafa...

Alveg nýfæddur í gærnótt, og mamma þreytt...


Spekingurinn


Alvarlegur


Hlæjandi, eða að minnsta kosti brosandi


Á hvolfi?


Glottandi


ÖÖÖÖÖSKRANDI


og svo sofandi

Já, svo sannarlega

og bókstaflega er yfirskrift þessarar síðu orðin að veruleika. Nýtt líf hefur kviknað, og tilfinning sem hlýtur að vera ólýsanleg, vaknar í brjóstinu.

Já, það er ekkert grín að vera nýi gaurinn, en sem betur fer gengur það fljótt yfir, hann verður gamall kunningi áður en varir.

Maður er nú orðinn ansi mannalegur bara strax, enda fallegasta barn í heimi, en líka gáfaðasta, brosmildasta, og almennt svo ákaflega vel heppnaður:)

Hér er pabbinn að skipta á kúkableyju guttans númer tvö, hver hefði trúað því fyrir ári síðan?

Og hér er stráksi í fangi Bergs afa síns, en vel fór á með þeim, enda öruggt að vera hjá afa.

En fyrir áhugafólk um mál og vog, þá var guttinn 15 merkur eða 3760 grömm og 53 sentimetrar á lengd. Hann fæddist kl. 01.15, 25. apríl 2007 og amma hans Hulda ljósmóðir tók á móti honum af stakri snilld.

Nú árið

er liðið í aldanna skaut og aldrei það kemur til baka.

Í gær var nákvæmlega ár liðið síðan ég var greindur með æxlið. Mér finnst það vera miklu lengra, kannski eins og 3 ár.

Þá var ég búinn að vera með lungnabólgu í um það bil hálft ár, hálf sturlast á næturvöktum mánuðina þar á undan vegna svefnleysis og vanlíðunar í kjölfar þess. Svo var ég nú eitthvað svona almennt frekar leiður þá dagana, kannski afleiðing af öllu þessu.

Núna er ég hamingjusamur, barn rétt ókomið, yndisleg kona, nýtt eldhús og allt.

Kannski var æxlið það sem ég þurfti til að líta upp og byrja að lifa lífinu?

Og að gefnu tilefni: Foreldrar, alið börnin ykkar þannig upp, að þeim detti ekki í hug að vera hortug og dónaleg við starfsmenn skólans, eða að þeim detti ekki í hug að hóta þeim lífláti.

Innihald og nýjar fréttir

Jæja, mikið hefur verið kvartað og kveinað yfir bloggleysi. Það er nú hinsvegar svo að mér finnst ekki sniðugt að blaðra um ekki neitt. Ég hefði með góðu móti getað velt mér upp úr gömlum fréttum, en nenni því ekki. Sem sagt: Hér skal vera innihald!

Óléttan gengur vel, við erum búin að fara á foreldranámskeið sem var ótrúlega óspennandi, og satt best að segja leiðinlegt að mestum parti. Þó var gaman eitt kvöldið þegar sr. Bragi Skúlason sjúkrahúsprestur kom. Algjör snillingur þar á ferð. Svo var nú reyndar ágætt að fara og sjá fæðingardeildina.

Var hjá lækninum mínum í morgun, var áður búinn að fara í svokallað CT eða tölvuskann. Hann lét mig hafa blað með niðurstöðunum, og lýsi ég hér með eftir fólki sem skilur þetta:

"Þetta svæði með mjúkvefjatumor afmarkast ekki með vissu við rannsókn nú og hefur orðið beinmyndun á svæðinu. Þannig merki um regress á tumor í scapula. Það sést atelectasastrik í lobus medius eins og áður. Ekki tilkomnar íferðir í lungum. Ekki eitlastækkanir í mediastinum."

Svo mörg voru þau orð...........................reyndar ekki, doksi sagði að þetta þýddi að allt liti vel út, engin meinvörp og ekki neitt. Reyndar væri kölkun í herðablaðinu sem skorið var, en það væri eðlilegt. Ég sagði honum að ég væri oft svo þreyttur, hann ætlaði að kanna það betur, líklega væru þetta bara enn eftirköst aðgerðar og geisla.

Annars er hreiðurgerð í fullum gangi hér í Klukkuberginu, búið að skipta út fataskáp í svefnherbergi, og eftir tvær vikur verða stórframkvæmdir í eldhúsinu. Þá verður allt rifið út, sparslað og málað, parketið rifið af, sett upp ný eldhúsinnrétting, ný tæki, flísar á gólfið, og allt:)

Áfangi

Hitti lækninn í gær, sem var skemmtilegt. Hann glotti og sagði að miðað við myndirnar, þá hefði æxlið minnkað, og nánast horfið. Hins vegar lét hann líka fylgja með, að það væri í samanburði við myndir frá því í mars. Sem sé áður en ég var skorinn... þannig að ekki er nema von að þar sé minnkun. Hann talaði líka um að breytingar væru á beininu í herðablaðinu, en það væri eðlilegt miðað við skurðinn.

Okkur samdist um að ég kæmi aftur eftir um það bil þrjá mánuði, þ.e. í byrjun febrúar. Þá verða aftur teknar myndir og koma marktækar niðurstöður, vonandi:).

En af öðru er lítið að frétta, nema kannski helst, að restinni af fjölskyldunni heilsast vel, 17. vika meðgöngu byrjuð.

Sjálfur hef ég verið að velta fyrir mér framtíðinni, og hef komist að niðurstöðu í nokkrum veigamiklum atriðum. Það helsta er að hætta söngnámi eftir þennan vetur. Þetta hefur verið erfiður og skemmtilegur tími, og í raun mjög dýrmætur, en nú er bara einhvern veginn komið nóg.